သွေးတိုးစမ်းမှုများအကြောင်း . .

“ ရိုးရိုးသားသား ကြိုးစားပါ . . သမီး ” ဆိုတဲ့စကားတွေ . . နားထဲမှာ အထပ်ထပ်ကြားနေမိတယ်။

အိမ်အပေါ်ထပ်က မိန်းကလေးတွေ အချင်းချင်း ပြောသွားတဲ့စကား . .

“ ငါ့ကို . . သူငယ်ချင်းတစ်ယောက်က သူတို့ကုန်မနီမှာ လာလုပ် ။ စားရိတ်ငြိမ်း တစ်လ
၇၀၀၀၀ ပေးမယ်တဲ့ ။ ဒါနဲ့ပြန်ပြောလိုက်တယ် . . ဟဲ့ . . ငါ့တစ်ညရတဲ့ပိုက်ဆံက ၁
သိန်းကျော်တယ်လို့ ”

ပြောနေတုန်းမှာရော ပြောပြီးမှာရော မျက်နှာတွေမော်လို့ . . .။

ဟုတ်ကဲ့ . . ကျွန်မရဲ့တစ်လလုံးလုပ်ခက . . ၇၀၀၀၀ နည်းနည်းလေးကျော်တယ်ဆိုရုံပါပဲ ။
အဖေ့ဆီရော . . အမေ့ဆီရော . . ဘယ်သူ့ဆီမှ ပိုက်ဆံပြန်မပို့နိုင်ဘဲ . . ကိုယ့်ဖာသာ
ရပ်တည်ဖို့တောင် အနိုင်နိုင် အိမ်ကို ပိုက်ဆံမှာသုံးနေရတဲ့ဘ၀လို့ ဆိုကြပါစို့ ။

ဟိုတလောက . . ဂျာနယ်ထဲဖတ်လိုက်ရတယ် . . “ ဘယ်မော်ဒယ်က သိန်းဘယ်လောက်တန်
ဖုန်းနဲ့ . . ဘယ်လောက်တန် ကားနဲ့ ” တဲ့ . . ။ ဘယ်သူ့သူငယ်ချင်းကတော့ . .
နာမည်ကြီးသူဌေးဘယ်သူရဲ့ ဘာဆိုလား . . တိုက်နဲ့ကားနဲ့ ကြီးပွားသွားသတဲ့ ။ အခုတလော
ကြားကြားနေရတဲ့ စပွန်ဆာကောင်းတယ် ဆိုတဲ့စကားက ဘ၀တွေတောက်ပြောင်ဖို့ မရှိမဖြစ်
ဖြစ်ကုန်ပြီလား ။ ကျွန်မစီးနေတဲ့ ဘတ်စ်ကားစုတ်တွေကြားမှာ . . ကိုယ်ပိုင်ကားတွေ တ၀ီဝီနဲ့
ဖြတ်သွားကြသူတွေထဲ . .ဘယ်နှယောက်များ . . ။

အရေးအသားနည်းနည်းရိုင်းတာတစ်ခု ရေးပါဦးမယ် ။ ဘယ်မာဆက်က ကောင်မလေးကို
အသိထဲက ဘယ်သူကတော့ ရော်လိုက်တယ်တဲ့ ။ ဂုဏ်သရေရှိလူကြီးမင်းများ . .
လူငယ်မင်းများရဲ့ကြား မိဘမဲ့ကလေးများလှူတာထက် စပွန်ဆာပေးနိုင်မှ
ခေတ်မီတယ်ဆိုတဲ့အတွေးများ ဘယ်ကဘယ်လိုတွေးမိသွားကြပါလိမ့်လို့လဲ နားမလည်နိုင်စွာ ။
အော် . . လင်ကောင်းသားကောင်းမြင်ချင်ရင် အဲဒီနေရာသွားလို့
လက်ညိုးထိုးပြရကောင်းမလား ။ ရင်းနှီးမြှုပ်နံမှုအသစ်တွေ ခေတ်စားနေပြန်ပြီကော ။

အရင်ခေတ်ကရော . .အခုခေတ်မှာရော ရေးလိုက်ကြတဲ့စာတွေထဲက
ဟိုအမျိုးသမီးများအကြောင်းထဲမှာ “ အပေါစားမိတ်ကပ် . . အပေါစားနှုတ်ခမ်းနီ . .
အပေါစားရေမွှေး ” ဆိုတဲ့စကားလုံးတွေက အမှတ်အသားတစ်ခုလို ဖောဖောသီသီပါလား ။
Revlon , Kanebo စသဖြင့်နဲ့ ဟမ်းဖုန်းကိုယ်စီ . . ဈေးကြီးဖိနပ်ထည်လဲစီးရင်း
အဲဒီစာသားတွေကို ဟာသတစ်ခုလိုရီသွားကြမယ့်သူတွေ များလာနေကြပြီထင် ။

တစ်ချို့များကျတော့လဲ ဒီအလုပ်အကိုင်နဲ့ နိုင်ငံကျော်မင်းသမီး . . အဆိုတော်တွေဖြစ်လို့
ဟိုနိုင်ငံ ဒီနိုင်ငံတောင် စာသွားသင်နိုင်နေကြပြီရှင်ရဲ့ ။
တကယ်က ဘတ်စ်ကားပေါ်တက်ကြည့်စမ်းပါ . . အပေါစားမိတ်ကပ် . . နှုတ်ခမ်းနီ . .
ရေမွှေးနံ့များကို ကျွန်မတို့လို ရိုးရိုးဝန်ထမ်း မိန်းကလေးတွေ
ဖောဖောသီသီသုံးလို့နေကြလေပြီကော . . ။ ရင်သတ်ရှုမောဖွယ်ကောင်းတဲ့
စီးပွားရေးသစ်တစ်ရပ် မြန်မာရဲ့ မိန်းကလေးထုကြားမှာ ဖွံ့ဖြိုးလာနေပြီထင်ပါရဲ့ ။ စားရိတ်စက
ကြီးလွန်းလှတဲ့ ဆေးကုသကုန်ကျမှုများ . . မဖြစ်မနေလိုအပ်ချက်များနဲ့ ခေတ်ကာလ . . Do
Or Die ဘ၀ထဲက Die ဘ၀များကို ရွေးချယ်ကျေနပ်ခဲ့မှတော့ . . နေမကောင်းဖြစ်လို့မှ
ကောင်းမွန်စွာ ကုသမပေးနိုင်တာမျိုးလောက်က မိဘနဲ့သားသမီးကြား အလိုလို
ပြေလည်ပြီးသား ပရိပက္ခများလို့ ယူဆကြရုံပေါ့ ။ ။

ခရေငယ်( ၅.၄.၂၀၁၁)