ခရေငယ်

ကျွန်မစိတ်မှာ လမ်းအနည်းငယ်သာ ရှိပါသည်။ဘယ်လောက်ကျဉ်းမြောင်းလှသည့် အမြင်ပါလဲ။ ရန်ကုန်မြို့ရဲ့လမ်းများထဲမှ အနည်းငယ်သော လမ်းများနှင့်သာ ကျွန်မ သိပါသည်။ တစ်ချို့လမ်းများကို တရင်းတနှီး တစ်ချို့ကိုတော့ သိပ်မရင်းနှီးစွာ။ တစ်ချို့နဲ့တော့ စုစုပေါင်းမှ တစ်ခါသာတွေ့ဖူးသည်။
တော်တော်များများသောလမ်းများနှင့်တော့ ကျွန်မမသိပါ။ စစတုန်းကတော့ လမ်းတော်တော်များများနှင့် ကျွန်မ မသိခြင်းကို သေချာ သတိမထားမိခဲ့။

တစ်ရက် . . ကျွန်မ တက်စီတစ်စီးဖြင့် သွားစရာနေရာတစ်ခုသို့ သွားသည်။ ကျွန်မ မရင်းနှီးသော လမ်းတစ်ခုဆီမှ နောက်ထပ် ကျွန်မ မမြင်ဖူးသော လမ်းတစ်ခုဆီသို့ တက်စီကသွားနေတော့မှ ကျွန်မသတိထားမိလာသည်။ ဒီလမ်းတွေက ကျွန်မနေထိုင်သောနေရာနှင့် သိပ်ဝေးလံလှသည်
မဟုတ်သော်လည်း ကျွန်မရင်းနှီးသော လိုင်းကားမောင်း၍ရသော လမ်းများနှင့် အနည်းငယ်ကွာခြားနေသည်။ ကျင်း ချိုင့် အနည်းငယ်သာရှိပြီး ထောက်ပံ့မှုကောင်းစွာရထားသော လမ်းများဖြစ်ကြသည်ဟု ကျွန်မတွေးလိုက်မိသည်။

တကယ်တော့ ကျွန်မနဲ့ရင်းနှီးသော လမ်းများမှာ ဘတ်စ်ကားများ သွားလာလေ့ရှိသော လမ်းမကြီးများနှင့် ကျွန်မနေထိုင်သော အိမ်နားရှိ ရပ်ကွက်တွင်း လမ်းကျဉ်းလေးများသာဖြစ်သည်။ တစ်ခါတစ်လေ တက်စီစီးရင်းတွေ့ဖြစ်သော လမ်းအချို့မှာ လူအနည်းငယ် တစ်ခါတစ်ရံအသုံးပြုရန်ဖြစ်သော်လည်း
အလွန်ကောင်းမွန်နေတတ်ပြီး . . (တစ်ခါတစ်ရံမှ သုံးသောကြောင့်လည်း ကောင်းနေခြင်းများလားမသိ) . . လူအများစု မသုံးမဖြစ်သုံးနေရသော လမ်းမများမှာ အများအားဖြင့် ပေါက်ပြဲ မညီမညာ
ဖြစ်နေတတ်သည်မှာ သဘာဝတရားကြီးပင် ဖြစ်နေသလားလို့ ကျွန်မစိတ်ထဲ တွေးနေမိတော့သည်။

ကြုံလို့ပြောပြရဦးမည် . . ကျွန်မက မြန်မာနိုင်ငံမြောက်ဖက်ပိုင်း စစ်ကိုင်းတိုင်းအထက်ပိုင်းမှ ကချင်ပြည်နယ်နှင့်နီးသော မြို့လေးတစ်မြို့တွင်မွေးဖွားပြီး ထိုမြို့လေးတွင် ကျွန်မရဲ့မိသားစု ထိုမြို့လေးနှင့်အနီးတ၀ိုက်တွင် ကျွန်မရဲ့ဆွေမျိုးများ နေထိုင်နေကြဆဲ။ ကျွန်မရဲ့ မြို့လေးအနားမှာ သာတောင့်သာယာ ဖြတ်သွားသောကားလမ်းဆို၍ ရွှေဘို-မြစ်ကြီးနားကားလမ်းတစ်ခု ရှိသည်။ ဒေသတစ်ခုရဲ့တိုးတက်ရေးမှာ လမ်းပန်းဆက်သွယ်ရေးကောင်းခြင်းကလဲ
တစ်ခုအပါအ၀င်ဖြစ်နေသည်ဆိုပါလျှင် . . ထိုအချက်မရှိဘဲ ကျွန်မရဲ့မြို့လေး တိုးတက်ရန် မနည်းရုန်းကန်နေရပါသည်ဟု ပြောချင်မိသည်။

ရွှေဘို-မြစ်ကြီးနားကားလမ်းမှာ မူလက ကတ္တရာလမ်းမဖြစ်ပြီး ရွှေဘိုမှ- မြစ်ကြီးနားသို့တိုက်ရိုက်ကားဖြင့် သွားနိုင်သောလမ်းဖြစ်သည်။ ထိုလမ်းမှာ ကျွန်မတို့မြို့နှင့် ၁၈ မိုင်အကွာမှ  ဖြတ်သန်းသွားခြင်းဖြစ်သောကြောင့် နီးလှသောနေရာတော့ မဟုတ်ပါ။

ကျွန်မတို့မြို့လေး ဟိုးရှေးရှေးထဲက အသုံးပြုခဲ့သောလမ်းခရီးမှာ မန္တလေး-မြစ်ကြီးနား ရထားလမ်းဖြစ်သည်။ ကျွန်မတို့မြို့တစ်မြို့ထဲမဟုတ် . .အနီးနားတ၀ိုက်မှ ရွာများလဲ ဒီရထားလမ်းကိုပဲ အသုံးပြုပြီး ခရီးသွားကြရသည်။ ဒီနေရာမှာ မန္တလေး-မြစ်ကြီးနား ရထားများအကြောင်း
နည်းနည်းပြောပြချင်ပါသေးသည်။ မန္တလေး-မြစ်ကြီးနားလမ်းပိုင်းကို ခုတ်မောင်းသောရထား လောလောဆယ် . . ၅စင်းလားမသိ ရှိသည်။ ခေါက်တို
ဟိုတစ်ပိုင်း ဒီတစ်ပိုင်းသွားသော ကားရထားဆိုတာတွေလည်း နည်းနည်းတော့ရှိပါသည်။ မန္တလေး-မြစ်ကြီးနားလမ်းကို ခရီးသွားချင်လျှင် ရက်ကြိုလက်မှတ် တန်းစီပြီးဝယ်ရသည်။ မိမိစီးမည့်ရထားလက်မှတ်ကို ၃ ရက်ကြိုတင်ဝယ်ယူနိုင်သော စနစ်ဖြင့် ရောင်းချပေးခြင်းဖြစ်ပါသည်။
ထိုသို့ရောင်းချရာ . . ကျွန်မ မန္တလေးတက္ကသိုလ်တက်တဲ့အချိန်ကဆို အိမ်ပြန်ခါနီးလျှင် ၃ ရက်ကြိုလက်မှတ်ဝယ်ရန် မန်းလေးဘူတာကြီးရဲ့ လက်မှတ်ရောင်းသောနေရာရှေ့တွင် အိမ်ယာမဲ့များကဲ့သို့ ဘူတာသမံတလင်းပေါ်မှာ ညထဲက တန်းစီပြီးအိပ်ကြရသည်မှာ ပုံပြင်မဟုတ်ပါ။
တစ်ခါတစ်လေ ရောင်းချမည့်လက်မှတ်က ရထားတစ်တွဲလုံးမှာမှ ဘယ်နှစောင်မှမရှိဘဲ ညစောင့်အိပ်သောသူများက ပိုများနေပြီး နောက်ပိုင်းကျသူများ မရလိုက်သည်မှာလဲ ထုနဲ့ဒေး ။ ၂ ရက်အလို ၁ ရက်အလို . . ရထားထွက်မည့်ရက် တို့မှာမှ လက်မှတ်ဝယ်ဖို့မပြောနှင့် ၃ ရက်ကြိုမှာတောင် လက်မှတ်က ကုန်နေတတ်ပြီ။ ညနေ ၅ နာရီကျော် ၆ နာရီလောက်ဆို စောင့်အိပ်သူတွေရောက်လာကြပြီး ထိုအချိန်မှ
မနက်၆နာရီတွင်စရောင်းမည့်လက်မှတ်ကို စောင့်ကြပေရော့ . .

ထို့ကြောင့် ကျွန်မတို့အထက်ပိုင်းဖက်သွားချင်သူများသည် မန်းလေးတွင် သွားမည့်ရက်ထက် ၄ ရက်လောက်ကြိုရောက်နေပြီး လက်မှတ်တန်းစီနိုင်မှ လက်မှတ်ရဖို့ မျှော်လင့်ချက်ရှိသည်ဟု ကျွန်မစိတ်ထဲ ထင်မိသည်။ ဒါဆိုရန်ကုန်ကနေ ညကားနဲ့လိုက်လာ . . နေ့ခင်းကို ချက်ချင်းရထားပြန်စီးချင်သော
ကျွန်မလိုလူများ . . ဘယ်လိုလက်မှတ်ကို ရနိုင်ပါသလဲ တစ်ချက်ပြောပြချင်ပါသည်။ ဘူတာကြီးရဲ့ လက်မှတ်ပေါက်များတွင် သွား၍ ဒီနေ့လက်မှတ် ရှိသေးလား လိုက်မေးကြည့်ပါ။ မရှိတော့ နောက်၃ရက်စာတော့ရှိသေးသည် ယူမလားဟု ၃ ရက်ကြိုမှာ ကံကောင်းစွာ မကုန်သေးပါက ပြန်မေးလိမ့်မည်။

ဘူတာကြီးရဲ့နေရာ အနှံ့အပြားတော်တော်များများတွင် "မှောင်ခိုလက်မှတ်ရောင်းသူများကို သတင်းပေးပါက ဆုငွေ၁၀၀၀၀၀ (တစ်သိန်းကျပ်)ချီးမြှင့်ပါမည် " ဆိုသော ဆိုင်းဘုတ်ကို တွေ့ရပါလိမ့်မည်။ သို့သော် ခက်သည်က ဘယ်မှုခင်းဂျာနယ်မှာမှ . . ဘယ်သတင်းဂျာနယ်မှာမှ မှောင်ခိုတွေကို
ဖမ်းပေးလို့ ဆုငွေရသွားကြသူများအကြောင်း ကျွန်မမတွေ့ဖူးပါ။ ဒါ့အပြင် အိတ်ကလေးဆွဲသွား၍ ဘူတာကြီးထဲ ဟိုနားဒီနား လမ်းသလားကြည့်ပါ . .နောက်မှ ဘေးမှ မျက်နှာချင်းဆိုင်မှ ယူနီဖောင်းဝတ်များ တစ်ချို့လဲအရပ်ဝတ်များမှ လက်မှတ်လိုသေးလားဆိုသောစကားမှာ ဘူတာကြီးရဲ့လက်သုံးစကား
ဖြစ်နေတတ်သေးသည်။

အမယ် . . နောက်ရှိသေးသည်။ မှောင်ခိုလက်မှတ်ကို ဆိုင်ဖွင့်ပြီးရောင်းသောနေရာများ တစ်နေရာမက မန်းလေးမှာရှိသည်။ ဆိုင်ကယ်လေးနဲ့ အဲဒီဆိုင်ရှေ့ထိုးရပ်လိုက်လျှင် လက်မှတ်လိုသေးလား . . မေးမည်။ ဘယ်ထိလဲ . . မေးတော့ ကျွန်မရဲ့မြို့နာမည်ပြောလိုက်သည်ဆိုပါစို့။
မြစ်ကြီးနားထိလက်မှတ်တွေရှိတယ်။ ဘယ်နှစောင်ယူမှာလည်းလို့ပြန်ပြောမည်။ ဈေးနှုန်းလား . . ကျွန်မတို့မြို့ကိုရောက်ဖို့ ရိုးရိုးတန်းခုံဖြင့်စီးမည်ဆိုလျှင် အစိုးရသတ်မှတ်ဈေး ၇၀၀ ကျော်လား ၆၀၀ ကျော်လား ရှိလိမ့်မည်။ မှောင်ခိုဈေးလား . . ၁၈၀၀၀ လို့ပြောလိမ့်မည်။" ဟယ် . . များတယ် မ၀ယ်ဘူး " လို့ ပြောပါက . ." ညှိကြည့်လေ အဆင်ပြေလောက်တဲ့ဈေးပြောကြည့်" လို့ပြောလိမ့်မည်။ ကဲ . . ၆၀၀ - ၇၀၀ ပေးရသောခရီးကို ၁၈၀၀၀ ဆိုထားသည့်ဆီမှာဈေးကိုက်အောင် ဘယ်လိုများဆစ်ကြည့်ချင်သေးလဲ။ ဒီ ၇၇လမ်း ၃၁ လမ်းထောင့် လက်မှတ်ဆိုင်များကို တစ်ခါတစ်လေမှ မန်းလေးလာသော ကျွန်မလိုလူပင် အခေါက်တိုင်းနီးပါး ဆိုင်ကယ်တက်စီသမားများက မသွားတော့ဘူး ရတယ်ဆိုလဲ အတင်းလိုက်ပို့သဖြင့် ရောက်ရောက်သွားတတ်သေးတာ မန်းလေးနေ မှောင်ခိုသမားဖမ်းဆီးရေး. . ဘာဖြစ်ညာဖြစ်ဆိုသူများ . . အဟုတ်တကယ်သာ ဖမ်းနေသည်ဆိုလျှင် . . ဘယ်လိုများ မသိ . . မကြား . .မတွေ့ပါ ဆိုတာကိုတော့ . .
ကျွန်မဖြင့် ထူးဆန်းအံ့သြလို့မဆုံးပါ။ ငယ်ငယ်တုန်းက လူကြီးတစ်ချို့ ကလေးတွေ တူတူပုန်းနေတာကို မြင်နေရက်နှင့် မမြင်ချင်ယောင်ဆောင်ပြီး " ဘယ်ကိုများပုန်းနေကြတာလဲကွယ် ရှာရတာမောနေပြီ"  စသဖြင့် မျက်စိရှေ့မှာထားပြီး မမြင်ဟန်ပြု . . ရှာဖွေဟန်နဲ့
ဟိုကြည့်ဒီကြည့် ကစားနေတာကို သတိရမိသည်။

ထို့ကြောင့် ၁၈၀၀၀ မပေးနိုင်သောကျွန်မလိုလူများ ခုံမဲ့လက်မှတ်ဆိုသော ရထားပေါ်တွင် ခုံမရဘဲစီးရသော လက်မှတ်များကို ၀ယ်ကြရသည်။ ဟယ် . . ခုံမဲ့ဆိုတော့ ဘယ်လိုများစီးကြတုန်းဆို ရထားတွဲရဲ့ ကြားနေရာအလွတ်များတွင် ဖျာများ . . ပီနံအိတ်များကို ခင်းကြရင်းလိုက်ပါစီးနင်းကြရခြင်း
ဖြစ်သည်။ ထိုခုံမဲ့သမားများက ရိုးရိုးတန်းတွဲများတွင်လိုက်ကြရသည်။မဆိုးလှဘူးပဲဟု အထင်မစောလိုက်ပါနှင့်ဦး။ လူသွားများသောအချိန်တွင် ထွက်သောရထားဆို ထိုခုံမဲ့ဆိုသောလူများမှာ ရထားတွဲမှာပါသော ခုံပေါ်မှလူများထက် အရေအတွက်၂ ဆ ၃ဆလောက်များသေးသည်။ ဒီကြားထဲ . .
ဘူတာတစ်ခုရပ်လိုက်တာနှင့် ဆင်းသွားသောသူက တစ်ယောက်စ နှစ်ယောက်စ . . တက်လာသောသူက ၁၀ ယောက်စ ၁၅ ယောက်စ . . အဲဒီ ၁၀ ယောက် ၁၅ ယောက်မှာမှ ကုန်သည်များပါလာသေးသည်ဆိုလျှင် တစ်တွဲလုံး နေရာလွတ်မကျန် ကုန်ပစ္စည်းတွေတင်လိုက်သေးတာ။ အဲဒီအိတ်တွေပေါ်
တက်ထိုင်လို့ရတာလဲရှိ . . မရတာလဲရှိ။ မိုးတိုးမတ်တတ်ရပ်ရင်း ဟိုကြားညှပ်ထိုင် . . ဒီကြားညှပ်ထိုင်ဖြင့် သွားရသောခရီးမှာ တစ်ခါတစ်လေ အထုပ်အထည်များသည့်အခါများဆို ဟိုအထုပ်တစ်ဖက် ဒီအထုပ်တစ်ဖက်ထိမ်းရင်းနဲ့ မြန်မြန်ရောက်ပါတော့ဟုသာ ကျိတ်ဆုတောင်းနေရတော့သည်။
တစ်ခါတစ်လေဆို ကိုယ့်အထုပ်နဲ့ကိုယ်နဲ့ အဝေးကြီးရောက်သွားတတ်တာတို့  . . အထုပ်တွေပိပြားပြီး အိမ်ကိုပြားချပ်ချပ်ပစ္စည်းတွေ သယ်သွားရတာတို့လဲ မကြာခဏ။ ဒီလိုကြပ်ပြီဆို ရထားမှာ အပေါ့အပါးသွားဖို့မပြောနဲ့ . . ကိုယ့်ဘူတာရောက်ရင်တောင် အပေါက်ကဆင်းမရလို့ ပြတင်းပေါက်က ခုန်ချရတာလဲ ခဏခဏ။ ကျွန်မလို လူငယ်တောင် အတော်ဒုက္ခရောက်သောခရီးမှာ တစ်ခါတစ်လေဆို မန်းလေးမှာ ဆေးသွားကုပြီးပြန်လာတဲ့လူမမာများ လက်မှတ်ရမလာတဲ့အခါနဲ့ကြုံရင် ကျွန်မမှာလဲ သူ့ပေးထိုင်စရာနေရာမရှိ။ အားလုံးက ဦးစားပေးပြီးလုပ်ပေးကြပေမယ့် ဒီလောက်ကြပ်နေတဲ့ရထားပေါ်မှာ
လူတစ်ယောက်စာဆိုတာ မနည်း . . သက်သောင့်သက်သာဖြစ်ဖို့မပြောနဲ့ အသက်မထွက်တာပင် ကံကောင်းသေးတော့သည်။ တစ်ခါတစ်လေ . .ဒီလိုရထားကိုစီးရင်း မှောင်ခိုတွေပြောပြောနေတတ်တဲ့ "ညီမ ငွေကိုမနှမြှောပါနဲ့ . . ရထားပေါ်မှာ ပစ္စည်းတွေပစ်တင်ရင်း ခြေထောက်ကျိုး လက်ကျိုး တွေဖြစ်တတ်တာ မသိဘူးလား " ဆိုတာတွေကိုလဲ ကြားယောင်နေမိသည်။ အခုအထိတော့ ကျွန်မခြေလက်များ အကောင်းပကတိရှိဆဲမို့လဲ တော်သေးသည်ဟု . . စဉ်းစားမိသည်။

အဲလိုရထားတွေကိုပဲ နောက်တစ်မျိုးစီးလို့ရသေးသည် ။ တွေ့ရာရထားတစ်တွဲပေါ်တက်သွားပြီး တွဲစောင့်ဖြစ်ဖြစ် . . ရထားရဲဖြစ်ဖြစ်ကို ကျွန်မဘယ်အထိ လိုက်ချင်လို့ပါဟု ပြောပါ။ ခုံရလျှင် ဘယ်လောက် ခုံမရလျှင်ဘယ်လောက်ဆိုပြီး ပိုက်ဆံပေးလိုက်လျှင် အဆင်ပြေသွားလိမ့်မည်။ အဲဒီနည်းက မှောင်ခိုဈေး
၁၈၀၀၀ ထက်တော့ နည်းနည်းသက်သာသေးသည်။ ၈၀၀၀ လောက်ဆို ကျွန်မမြို့ကိုရောက်နိုင်သည်။ တကယ်ပဲ . . ကျွန်မတို့တော်တော်များများမှာခရီးသွားဖို့အသုံးပြုနိုင်သောငွေကြေး ၆၀၀- ၇၀၀ မကတော့ ရှိနေကြပါသည်။ ၆၀၀-၇၀၀ မက ပေးချင်သော စိတ်များလဲ ရှိနေကြပါသည်။ ၆၀၀-၇၀၀
သာတတ်နိုင်ကြရှာသော ဆင်းရဲသားများရဲ့ နေရာကို အတင်းလုယူပြီး မသွားချင်ကြသူများလဲ အများအပြားရှိပါလိမ့်မည်။ သို့သော် . . ထို့ထက်မက ပေးလိုက်ရသော ပိုက်ဆံများမှာ . . ထိုရထားပြေးဆွဲပေးသောနိုင်ငံတော်အတွက်လဲ တပြားတချပ်မှမရလိုက်ပါ။ ပြီးတော့ အဆင်ပြေချောင်ချိသော . .ရထားများ ကျွန်မတို့ အထက်ပိုင်းလမ်းကို ပြေးဆွဲပေးဖို့ဆိုတာကလည်း
မျှော်လင့်လာလိုက်သည်မှာ ကျွန်မတစ်သက်ပင်ရှိခဲ့ပြီ။ ဘယ်အချိန်သွားသွား ဒီတိုင်းက ဒီတိုင်း။

ကျွန်မတို့မြို့ကပြန်ရင်ရော . . ကိုယ့်မြို့မှာမို့လက်မှတ်အဆင်ပြေလားဆိုရင် ကျွန်မပြောခဲ့သလို တစ်နယ်လုံးဒီရထားကို အားကိုးသွားနေရသည့်အတွက် ဒီဘူတာလေးမှစီးကြရသည်။ ဒီဘူတာလေးအတွက်ရသော ခွဲတန်းလက်မှတ်က ရထားတစ်စီးကို ၁၀စောင်ထက်မပို ။ တစ်နယ်လုံးသွားကြသောသူများ . . ဘယ်လိုစီးကြမည်လဲ။ သို့သော် သူ့ဟာသူတော့ ဖြစ်သွားသည်သာ။ ဘူတာလေးနားမှာနေသော မှောင်ခိုလက်မှတ်ဌာနများဆီမှာ တစ်စောင်ကို ၄၀၀၀ ၊
၅၀၀၀ ၊ ၆၀၀၀ နှုန်းဖြင့် မှတ်ပုံတင်ပေးပြီးအပ်လိုက်လျှင် ရထားနေရာအထိအရောက် လိုက်ပို့ပါလိမ့်မည်။ တနည်းအားဖြင့် မှောင်ခိုသမားများက ရုံပိုင်ထက်ပင် လက်မှတ်ရဖို့သေချာသေးသည်။

ဟယ် . . ဒီလောက် စုတ်ပြတ်သတ်နေတဲ့ရထားလမ်းများ သုံးနေကြသေးလား။ ကားလမ်းရှိနေသားပဲ ကားလမ်းကသွားကြပါလားလို့ ဆိုလာပါက ထိုကားလမ်းကိုခေါ်ပြလိုက်ချင်သေးတော့သည်။
ရွှေဘို-မြစ်ကြီးနားကားလမ်းကြီးစပေါက်တော့ ကျွန်မတို့နယ်တွေ ပျော်လိုက်ကြတာ။
ဒေသမှာ အ၀င်အထွက်လမ်းကြီးရပဟဲ့ဆိုပြီး . . မန္တလေးနဲ့ ကျွန်မတို့မြို့တွေနားကိုပြေးတဲ့ ကားလိုင်းလေးတွေ ပေါ်လာတယ်။ ကားနဲ့က ရထားလိုလဲမကြပ်
 (ရထားလောက်မကြပ်ဟုဆိုလိုသည်)တော့ သွားရတာ အဆင်ပြေသည်ပေါ့။ ဒီလိုနဲ့ . . တစ်နှစ်လောက်များရှိမလား . . ကျွန်မတို့မြို့နှင့် မန်းလေးကို ကားလိုင်းတွေသွားကြတာ။
အဲ . . နောက်ပိုင်းတော့ လူစီးလိုင်းကားတွေမပြောနှင့် . . ရွှေဘို-မြစ်ကြီးနားလမ်းကြီးတစ်လျှောက် ကုန်ကားတွေတောင် ခက်ခက်ခဲခဲမောင်းနှင်ရတဲ့အခြေအနေ လျင်လျင်မြန်မြန်ကြီးရောက်လာတော့သည်။ ကတ္တရာလမ်းဆိုတာကလည်း ကတ္တရာတစ်စ နှစ်စကြောင့်သာ ကတ္တရာလမ်းခင်းခဲ့ဖူးသည်ဟု ပြောနိုင်ပြီး . . ချိုင့်ကြီးများ ကျောက်ခဲလုံးကြီးများက လာသမျှကားများ ဆိုင်ကယ်များကို တိုက်ခိုက်ရေးဗျူဟာ
ခင်းနေကြတော့သည်။ တစ်ဖာလုံမောင်းဖို့ မိနစ်၂၀ လောက် အချိန်ယူရသောလမ်းကြီးအဖြစ် တမဟုတ်ခြင်းပြောင်းသွားခဲ့ပြီ။

မိုးတွင်းဆို ဟိုချောင်းက ရေလျှံလို့ကားတွေတစ်ဖက်ကမ်းအိပ်ကြရသည်ဆိုတာကလဲ မရိုးနိုင်သောစကား။ တံတားကျိုးလို့ ကျွဲငှားဆွဲရသည်ဆိုတာကလဲ လမ်းရဲ့တစ်နေရာရာမှာ ဖြစ်နေကျ။ ထို့ကြောင့် ကားလိုင်းများလဲ အကုန်ပြုတ် . . ဟိုတုန်းက ကားနှင့်သွားခဲ့ကြဖူးသည်ဆိုတာကဒေသရဲ့ ပုံပြင်တစ်ပုဒ်လိုလို ။

ဒီလိုနဲ့ ရွှေဘို-မြစ်ကြီးနားကားလမ်းကြီးလဲ တစ်စစ တိမ်ကောရင်း ကားတစ်စီးစ နှစ်စီးစလောက်သာ သွားတော့သောအခြေအနေဖြစ်လာသည်။ မနှစ်က ကျွန်မဇာတိကို ပြန်ဖြစ်တော့ ကျွန်မဆွေမျိုးများရှိရာ ထိုလမ်းဘေးမှရွာသို့ ရောက်ခဲ့သည်။ ကားလမ်းကို ကုမ္ပဏီတစ်ခုကိုလုပ်ကွက်ချပေးပြီး
လုပ်ခိုင်းထားတယ်တဲ့။ အော . . ပုဂ္ဂလိကလုပ်တော့မယ်ဆိုတော့ ကောင်းတော့မှာပဲလို့ . . ကျွန်မစိတ်ထဲမျှော်လင့်တကြီးပျော်နေမိသည်။ ရန်ကုန်-မန်းလေးလမ်းမများ . . ရန်ကုန်-နေပြည်တော် လမ်းမများကို မြင်ယောင်အားကျနေခဲ့ရသော ကျွန်မတို့ဒေသသားတွေ ဒီဒေသတွေမှာလဲ
လူတွေနေထိုင်ကြပါသေးသည်ဟု . . အသိအမှတ်ပြုခံရလေပြီဟု ၀မ်းသာမိသည်။ လမ်းမကြီးက ဟိုးအရင် တစ်လမ်းမောင်းကနေ ၄ လမ်းမောင်းဖြစ်အောင်ချဲ့မှာဆိုပြီး အနားမှာရှိတဲ့ တောင်တစ်ချို့ကိုဖြိုပြီး
မြေဖို့ထားသည်။ လမ်းကိုလဲမြှင့်ထားသည်။ လမ်းလုပ်တဲ့လူတွေရောဆိုတော့
ဘတ်ဂျက်မလောက်လို့ ပြန်သွားကြပြီတဲ့။ ဖို့ထားသောမြေများက မြေ၀ါများဖြစ်ပြီး နွေရာသီဆိုတော့ ဖုန်ထလိုက်သည်မှာ မြင်မကောင်းရှုမကောင်း။

လမ်းဘေးကပ်ရက်နေကြသူများမပြောနှင့် လမ်းနှင့်အနည်းငယ်ကွာသော ရွာတွေတောင် အဝေးကလှမ်းကြည့်လျှင် ဖုန်ထုကြီးကိုသာ မြင်နိုင်သည်။ စိမ်းစိမ်းစိုစို သစ်ပင်မရှိတော့။ ဖုန်လုံးသစ်ပင်များ ။ ဖုန်လုံးအိမ်များသာရှိတော့သည်။ ၀ါဝါပြားပြားကားလမ်းမကြီးကတော့ ပြင်ဆင်သူမရှိစွာ လှဲလျောင်းလို့။
ဒါကြီးကို ကိုယ်ထူကိုယ်ထလုပ်ရအောင်ကလဲ နည်းသည့်လမ်းမကြီး  နည်းသည့်လမ်းမအရှည်မဟုတ်။ ပြောတုန်းကတော့ တစ်နှစ်စီမံကိန်းဆိုလား . .
အခုတော့ တစ်နှစ်လဲမကတော့ . . ကျွန်မတို့နယ်ကြီး ဖုန်နယ်ဖြစ်နေရပြီ။ ခုချိန် မိုးတွင်းစရောက်ပြီဆိုတော့ . . ထိုမြေလမ်းကြီးမှာ ဗွက်ထုကြီးဖြစ်ပြီး အိစိအိစိဖြစ်သွားလိုက်တာ . .ကားမပြောတော့နှင့် ဆိုင်ကယ်တောင် မောင်းမရတော့ပြီဟု . . ကျွန်မနယ်ဖက်မှ ဆွေမျိုးတွေဆီက သတင်းကြားရသည်။ လမ်းပိုင်းကို တာဝန်ယူထားသော ကုမ္ပဏီမှာလည်း ဘတ်ဂျက်အဆင်ပြေလျှင် ပြန်လာခဲ့မည်ဟု
ပြောသွားသေးသည်ဆိုတော့ . .
ဒီလမ်းဖြင့် မဖြစ်ညှစ်ကျယ်စီးပွားရေးလေးလုပ်နေကြရသော ဒီလမ်းအားကိုးဖြင့် ကုန်သွယ်နေကြရသော . . ကျွန်မရဲ့ နယ်သူနယ်သားများ ဘယ်နှနှစ်လောက်များ . . ရရာစားပြီး စောင့်နေကြရမလဲ ။ မျှော်လင့်နေကြရမလဲ . . ရန်ကုန်မှာ ဘတ်ဂျက်မလောက်တော့လို့ တိုးလို့တန်းလန်း
ရပ်ထားရသော ကန်ထရိုက်တိုက်များ . . များစွာရှိကြကြောင်း ကျွန်မရဲ့နယ်သူနယ်သားများ မသိကြပါစေနှင့် . .ဟုသာ . . ။

ကျွန်မသိသော လမ်းအနည်းငယ်သာရှိ၍ ထိုလမ်းများမှလွဲရင် တခြားလမ်းတွေ ရှိနေခြင်း မရှိနေခြင်းကို ကျွန်မစိတ်ထဲ နင့်နင့်နဲနဲကိုယ်ခြင်းစာခံစားမိခြင်းမရှိပါ။ ကျွန်မစိတ်သည် တစ်ကိုယ်ကောင်းဆန်ပြီး အလွန်ကျဉ်းမြောင်းလှပါသည်။ ကျွန်မသွားနေသော လမ်းများကိုကောင်းစေချင်ပြီး
တခြားသူတွေသွားနေသောလမ်းများ . . ကောင်းချင်ကောင်း မကောင်းချင်နေ သတိလဲမထားမိသလို ဘာမှလဲ မခံစားရပါ။ ထို့ကြောင့် ကျွန်မသွားနေကျ လမ်းများကိုလဲ . . သွားနေကျမဟုတ်သောလူများက ကိုယ်ချင်းစာခံစားပေးနိုင်ခြင်း မရှိဖြစ်ပြီး ကျွန်မလိုတစ်ကိုယ်ကောင်းစိတ်ဖြင့်  ဒီတိုင်းထားလိုက်မည်
ကိုတော့ . . တုန်လှုပ်စွာကြောက်ရွံ့မိသော . . ကျွန်မရဲ့ တစ်ဖက်သတ် တစ်ကိုယ်ကောင်းခံစားမှုကြီးကို ချရေးဖြစ်ခဲ့ပါသည်။ ကျွန်မလိုလူများနည်း၍ . . ကိုယ်ချင်းစာနိုင်သူများပါမှ ကျွန်မတို့မြန်မာပြည်အထက်ပိုင်းသွားလမ်းတွေ ပြန်ကောင်းတော့မည်ထင်ပါသည် ။              ။

ခရေငယ်(၂၃.၅.၂၀၁၁)

ကမ္ဘာကြီးက ရွာကြီးတစ်ရွာလို့
ဘယ်သူတွေ စပြောခဲ့လဲ
ဒီလိုသာဆို . .
နှလုံးသားပျောက်ရှနေတတ်တဲ့
ငါ့ညနေရဲ့လေပြေညှင်းတွေမှာ
ပြပြလေးမကတဲ့ .. တသသအလွမ်းတွေနဲ့
ရွာမြောက်ခြမ်းက ချစ်သူ့နှုတ်ခမ်းကို
ခိုးနမ်းခွင့် . . ရချင်တယ် . . ။        ။

ဟိုးးလွန်ခဲ့တဲ့ ၃ ၊ ၄ နှစ်လောက်က ကျွန်မရေးခဲ့ဖူးတဲ့ "အလွမ်းပါဆယ်" စာသားလေးတစ်ချို့ . . ။ အဲဒီတုန်းက ကမ္ဘာကြီးထဲက ကျွန်မနေထိုင်တဲ့ နိုင်ငံလေးနဲ့ ချစ်သူနေထိုင်တဲ့နိုင်ငံလေးက ပထ၀ီအနေအထားအရ . . အတော်လေးဝေးပေမယ့် . . သတိရစိတ်တို့ရှိတိုင်း
ပြေးတွေ့လို့ရတဲ့အခြေနေမို့ ကမ္ဘာကြီးဆိုတာ သိပ်မကျယ်ပါဘူးလေပေါ့။ သူ့လက်နဲ့ ကျွန်မလက်နဲ့ ထိထားလို့မရတဲ့နေရာ . .တစ်ယောက်ကိုတစ်ယောက် ပွေ့ဖက်နှုတ်ဆက်လို့မရတဲ့နေရာပေမယ့် . . နေ့တိုင်း သူဘယ်သွား ဘာလုပ် . . ဘယ်သူနဲ့တွေ့ . .ဘာဝယ် . . ဘာစား တယ်ဆိုတာတွေ ကျွန်မ မြင်သိကြားနေနိုင်ခဲ့တယ်။ ကျွန်မရဲ့အားချိန် . . သူ့အားချိန်တွေမှာ ၂ယောက်အတူ
အကြောင်းအရာမျိုးစုံကို ငြင်းခုံပျော်ရွှင်လို့ . . ရန်ဖြစ်လိုက် ပြန်ချစ်လိုက်နဲ့ အနေဝေးနေပေမယ့် တစ်ယောက်နှလုံးသားကို တစ်ယောက်က နွေးထွေးနိုင်စေခဲ့တယ်။

သူ့မွေးနေ့ ကျွန်မမွေးနေ့တွေရောက်တိုင်းလဲ ၂ယောက်အတူတူ မွေးနေ့ကိုကျော်ဖြတ်ရင်း . . သူပြန်လာတဲ့အခါ မွေးနေ့တွေ တစ်ယောက်တည်း မကျော်ဖြတ်ရအောင် ကျွန်မရော သူရော ကြိုးစားတွေ့ဆုံကြမယ်ရယ်လို့ . . ပြောခဲ့ကြဖူးတယ်။ မွေးနေ့တွေ . . နှစ်ပတ်လည်နေ့တွေကို
အတူတူကျင်းပကြမယ်လို့ပေါ့လေ။

ဒီလိုနဲ့ သူပြန်လာခဲ့တဲ့အခါ . . ကမ္ဘာကြီးက ရွာကြီးတစ်ရွာလို့ ရေးခဲ့ဖူးတဲ့ကျွန်မအတွက် ကျွန်မနေထိုင်နေတဲ့ နိုင်ငံငယ်လေးက ကမ္ဘာကြီးထက်ကြီးမားပါလားလို့ အတွေးတွေဝင်လာခဲ့ရတယ်။ ကျွန်မတို့ ဆက်သွယ်မှုဧရိယာပြင်ပတွေအကြောင်း စပြီးကြားခဲ့ရချိန်ထဲကပေါ့ ။
အားလပ်ချိန်တွေအတူတူရှိဖို့ဆို ဆက်သွယ်မှုဧရိယာရဲ့ အထဲမှာ ရှိနေနိုင်ပါစေလို့ ကျွန်မရော သူရော ဆုတောင်းကြရတယ်။ နေ့တိုင်းနီးပါး သူဘာလုပ် ဘာဝယ် . . ဘယ်သူနဲ့တွေ့ဆိုတာတွေ ကျွန်မလဲမသိနိုင်တော့သလို သူလဲ ကျွန်မဘာတွေဖြစ်နေလဲ မသိနိုင်တော့ပါဘူး။
သူအထီးကျန်နေမလား နေထိုင်မကောင်းဖြစ်နေမလား ကျွန်မစိုးရိမ်မိတာတွေ . . နေကောင်းအောင်နေပါနော်ဆိုတဲ့ သူ့အမှာစကားတွေကို ဆက်သွယ်မှုဧရိယာပြင်ပတွေက ဖြတ်တောက်ထားလိုက်ကြတယ်။

ဒီလိုနဲ့ သူ့မွေးနေ့ရောက်လာတော့ . . တာဝန်တွေကိုယ်စီနဲ့သူနဲ့ကျွန်မ . . ဟိုးးအရင်က တစ်ယောက်နဲ့တစ်ယောက်ပြောခဲ့ဖူးတဲ့ အတူတူကျင်းပကြမယ်ဆိုတာကို မြေချင်းဆက်နေပေမယ့် တစ်ရက်နှစ်ရက်နဲ့မရောက်တော့တဲ့ခရီးမို့ မပြောခဲ့ကြဖူးသလိုမေ့ထားရင်း . .
မွေးနေ့ဆိုတာ နောက်နှစ်လဲရှိဦးမှာပါ စိတ်မကောင်းမဖြစ်နဲ့ ဆိုတဲ့ တစ်ယောက်ကိုတစ်ယောက် နှစ်သိမ့်စကားတွေနဲ့ ဖြတ်ကျော်ကြရတော့မယ်။
သူ့အတွက်ကျွန်မရဲ့ မွေးနေ့လက်ဆောင်ကိုလဲ နောက်လပေါင်းများစွာအကြာ တစ်ယောက်နဲ့တစ်ယောက်တွေ့နိုင်ကြတော့မှပေးတော့မယ်လို့
တွေးရင်း သိမ်းထားလိုက်ရတော့တယ်။

ဘယ်လိုပဲဖြစ်ဖြစ်ပေါ့လေ . . ၂ယောက်ကြားမှာ အချစ်တစ်ခုရှိနေသ၍တော့ ကျွန်မတို့ဝေးသွားပြီလို့ မဆိုနိုင်သေးပါဘူး။ တစ်ယောက်အပေါ် တစ်ယောက်ထားတဲ့ ကျွန်မတို့အချစ်တွေမပြယ်သေးခင် တစ်နေ့နေ့မှာတော့ အဲဒီဆက်သွယ်မှုဧရိယာပြင်ပတွေ ပျောက်ကွယ်သွားနိုင်မှာပါလေ လို့
မျှော်လင့်ရင်း . .
Happy Birthday ! ဆိုတဲ့ဆုတောင်းစကားကို ဆက်သွယ်မှုဧရိယာပြင်ပထဲကို လွှတ်ချလိုက်ရတယ် . . ။    

ခရေငယ် (၂၀၁၁)