ခရီးဆောင်စိတ်

အသဲကွဲသွားလို့တဲ့ . .
သူတို့လာလာပြောကြတယ်

အဆင်ပြေသွားမှာပါဟယ်
ဒီထက်သာတာ တွေ့ဦးမှာဆိုတဲ့
ကိုယ့် . . နှစ်သိမ့်စကားရဲ့နောက်မှာ
ယုံကြည်မှုတစ်ဝက်စာတောင် ကပ်ပါမသွားတာ
ကိုယ်သာ သိတယ် . . 

ဒုက္ခအဟောင်းကို မြတ်နိုးသူပါကွယ်
အတိတ်အကြောင်းတွေ ထည့်သယ်ထားတဲ့
ကျောပိုးအိတ်ကို
လူလစ်လစ် မလစ်လစ်
ပစ်မချချင်တဲ့ကောင်ပါ . .

နေ့တွေအသစ်ပြောင်းလာပြီး
မေးလ် အသစ်မရောက်ပါ
စကားအဟောင်းများထဲ၌သာ
ပြည့်စုံသာယာနေသောဘ၀ ဖြစ်တယ် . .

သတိရတိုင်း ချချရေးနေလို့
Notepad တွေ စက်ထဲမွစာကြဲကုန်ရဲ့
စကားလုံးတွေ ပြောင်းသွားကြပေမယ့်
ခံစားချက်အဟောင်းတွေနဲ့
အရောင်ညီ ကဗျာဟောင်းတွေပဲ ဖြစ်ဖြစ်နေပြန် . .

မှားကျွံမိတဲ့ခြေထောက်ကြောင့်
တစ်ဘ၀လုံးပေါက်ကျသွားသတဲ့
ပြန်ရွေးဟဲ့လို့ အခွင့်ပေးခဲ့ရင်လဲ
အဲဒီခြေရာအတိုင်း ပြန်လှမ်းပစ်လိုက်မယ်

အခုနေတော့ . . သွားလေရာရာမှာ
သူနဲ့ဆိုင်တာတွေဆို အကုန်ထုပ်ပိုး
ဒဏ်ရာကိုလဲ မြတ်နိုးတတ်ခဲ့ပြီ . . ။           ။